Comunicado do PCPE sobre a situación dos traballadores do Naval.

Onte, os comunistas amosamos a nosa solidariedade coa loita dos traballadores da empresa naval Barreras, pechados diante do anuncio de suspensión de pagos por parte da empresa.

A paralización polo Ministerio español de Economía e Facenda da bonificación fiscal é unha mostra da submisión e o servilismo do Goberno español aos dictados da Unión Europea do capital, xa que tal supresión da Tax Lease orixínase nun expediente aberto pola Comisión Europea.

A gravidade da suspensión desta cobertura fiscal é inaudita, xa que afecta aos contratos en execución e aos pendentes de execución e supón un golpe durísimo non só á industria naval toda en primeiro lugar, senon tamén ás auxiliares e subcontratas destas.

A apropiación polos grandes capitais monopolistas europeos do noso aparello produtivo, o reparto da producción e dos beneficios entre os grandes monopolios alemáns, franceses, noruegos e holandeses do sector derívase na chamada "falla de carga de traballo" que nesta ocasión, como en anteriores reconversións, pon en perigo 10.000 empregos directos, e innumerables indirectos.

Este novo ataque dase nunha situación na que 99,9 % das auxiliares da naval xa están en ERE

Varios asteleiros tamen o están, coa particularidade de que a maioría dos traballadores xa consumiron os 6 meses que dura o ERE, total ou case que totalmente

O fenómeno de derrubamento en cadea que tales medidas van supor para a economía da cidade de Vigo, baseada nun 30% no sector naval, convirte a loita dos traballadores do naval na loita de todo o pobo traballador.

TODOS SOMOS O NAVAL-TODOS Á RÚA

Xoves 14 concentración na Xunta ás 11: 30

Xoves 21 manifestación ás 20:00 desde Via Norte con Urzaiz ata a Xunta

SOLUCIÓN PARA OS TRABALLADORES DO NAVAL

QUE NOS DEVOLVAN O ROUBADO

OS BENEFICIOS DOS MONOPOLIOS, PARA A CLASE OBREIRA

TODO PARA A CLASE OBREIRA!

Partido Comunista dos Pobos de España

Colectivos da Mocedade Comunista